منتدى dreams2us

مرحبا بك فى منتدى DREAMS2US نرجو ان تستمتع معنا وتستفيد بوقتك هنا
تحياتى مدير المنتدى حسام حبشى


مرحبا بكم فى منتداكم العزيز DreaMs2uS وكل عام و انتم بخير بقدوم شهر رمضان المبارك و نسال الله ان يعمه علينا بالخير و الحسنات بنسيم الرحمة وعبير المغفرة اقول مبارك عليك شهر العتق من النارياصاحب السعاده وعمري انت وزياده اقترب شهرالعبادة عساك من عوادة وكل عام و انتم بخير حسام حبشى   

 المصدر : http://100fm6.com/vb/showthread.php?t=139856 - 100fm6.com


 المصدر : http://100fm6.com/vb/showthread.php?t=139856 - 100fm6.com

أفضل طريقة للمذاكرة

شاطر
avatar
RAHMA
عضو لا مثيل له
عضو لا مثيل له

عدد الرسائل : 1929
العمر : 24
الموقع : http://dreams2us.ahlamontada.net
اعلام الدول :
مزاجى :
المهن :
الهوايه :
الاوسمه :
من اين علمت عن المنتدى..؟ :
دعاء منتدايات دريم :
وسام التفوق والتميز :
السٌّمعَة : 10
نقاطك يا عضو DREAMS2US : 1263
تاريخ التسجيل : 04/08/2008

very important أفضل طريقة للمذاكرة

مُساهمة من طرف RAHMA في الثلاثاء أغسطس 10, 2010 10:08 am

بسم الله الرحمن الرحيم


قامت إحدي المنظمات التعليمية بإحصاء لجميع طرق المذاكرة لإختيار أفضل طريقة للمذاكرة
وكانت هذه الطريقة كالآتي :


1- قراءة الدرس أو الموضوع قراءة شاملة
يعني إية بقا قراءة شاملة ! ؟
يعني ما تحاولش تفهم أي حاجة من الموضوع في الخطوة دي
(كإنك بتقرأ جرنال بالظبط )
يا جدع هوا في حد بيركز وهوا بيقرا الجرنال
المهم الدرس أو الموضوع كلو اتقرا قراية سريعة
ودا طبعاً ما ياخدش منك عشر دقايق علي بعض
طب إية الغرض من الخطوة دي طالما أنا مش هفهم حاجة ! ! !
بكل بساطة الغرض هوا إنك تلم إلمامة بسيطة بمحتوي الموضوع
( يعني عشان تعرف الموضوع بيدور حوالين إية )
وأقسم بالله إنك في الخطوة دي ممكن تستوعب أكتر من 20 % من الدرس
نتنقل للخطوة التانية




2- تحديد النقاط الأساسية للموضوع
( يعني العنواين الجانبية يا كابتن )
ونقدر بردوا نسمي الخطوة دي بإسم تاني وهو
تقسيم الدرس إلي فقرات
ونلاحظ إن في الخطوة دي إحنا بنسهل علي نفسنا كتير أوي أوي
لأنك بتخلي الدرس الكبير أصبح عدة فقرات قصيرة يسهل مذاكرتها


تمام كده يا عم الحاج نخش بقا علي اللي بعدها



3- التلخيص
في الخطوة دي بقا حضرتك هتستوعب 50% من الدرس
تبدأ في تلخيص الدرس ودا بيخليك تقلل حجم الدرس أوي
وطبعاً هيسهل المذاكرة عليك كتييير


لحد كدة والله يبقي 100 100


4- استخدام الألوان في المذاكرة
وفي مذاكرة الثانوية العامة الألوان مهمة أوي في المذاكرة
طب لية ؟
عشان معظم الجمل اللي حضرتك هتحددها بالألوان هتفتكرها بسرعة
هتفتكرها بقا سواء كنت في الإمتحان أو لو جيت تراجع مرة تانية في نهاية الأسبوع
والمراجعة مهمة جداً جداً
يا عم الباش مهندس ما تجننيش المراجعة كمان مهمة !!!!!!!!!!!!!!!!
أيوة يا باشا مهمة أوي عشان أساساً إحنا ربنا سمي كل واحد فينا بإسم ((( الإنسان )))
والكلمة دي مشتقة من ((( النسيان )))
وعشان كدة يبقي مافيش حد في الدنيا دي ما بينساش
وطبعاً إحنا بعد مجهود المذاكرة دا كلو مش محتاجين ننسي بسرعة
وعشان نفضل فاكرين يبقي عليك وعلي المراجعة يوم الجمعة
(( ولازم تراجع علي كل الدروس اللي ذاكرتها قبل كدة ))
يا رب أكون أقنعتك


وبعد الألوان والكلام دا كلو نروح للخطوة الخامسة



5- تنويع أسلوب المذاكرة
يعني إية ؟
يعني في المذاكرة ما تستخدمش القراءة بس
أو الكتابة بس
لا ... لا ... لا
حضرتك لازم تشغل أكبر قدر من الحواس بتاعتك
يعني تقرأ اللي بتكتبوا
وبكده تكون إستخدمت :
النطق
الكتابة
والسمع ( ما انتا هتسمع اللي بتنطقوا )
والنظر ( ما انتا طول ما انتا بتذاكر عينك في الكتاب )


ننتقل للخطوة السادسة



6- التدريبات
بعد ما تذاكر يا عم وتخلص الدرس كلو
عليك وعلي تدريبات كتاب الوزارة الأول
( بيجي منو نص الامتحان رأفة بالطلاب اللي مامعاهمش يجيبوا كتب خارجية )
وبعدين تبدأ تحل بقا من الكتب الخارجية وياريت ما تسبش سؤال إلا لما تحلوا
( السؤال اللي ما تعرفهوش إرجع للدرس علي طول وشوف هوا موجود في أنهي جزء من الدرس وذاكر الجزء دا تاني )
وما تنساش تحل السؤال بردو ,.. ههههههه


وبكدة تكون الخطوات بتاعة المذاكرة خلصت
ندخل بقا علي بعض النصائح الشخصية
(



بعض النصائح اللي تساعد علي الفهم الجيد أثناء المذاكرة :


1- لازم يا مان توفر الجو المناسب قبل ما تذاكر
( يعني الحجرة متروقة حواليك والترابيزة نضيفة وأدامك
الكتاب اللي هتذاكر منوا والكشكول اللي هتذاكر فيه والكام لون اللي قولنا
عليهم )



2- لازم تكون إنتا مرتاح نفسياً يعني رايق من الأخر
( حاول وإنتا بتذاكر ما تشغلش نفسك بأي حاجة غير المذاكرة
ولو حصل والشيطان رمالك فكرتين كدة ولا تلاتة عشان يشغلك حاول تخلص منهم
بسرعة وترجع تاني لمذاكرتك )



3- كتر بقا وانتا بتذاكر من السوائل
( زي المياه والعصير وكدة يعني )


4- بعد كل ساعة أو ساعة ونصف كدة خدلك قسط من الراحة
( بس ماتطولش أوي يا معلم أصل أنا عارف المصريين ما بيصدقوا يعني هما 10 دقايق كدة ولا ربع ساعة حتي وبعدين إرجع للمذاكرة تاني )


5- أحسن وقت بقا تذاكر فيه بعد الفجر
( يا سلالالالالالالالالالالام علي بعد الفجر دة الواحد بيبقا حاسس إنوا عايش لوحدوا في الدنيا دي والله يا جدع )


6- لما تيجي تحفظ فقرة في المواد اللي بتتحفظ دي
( راجع علي الفقرة كذا مرة وحاول وانتا جاي تقولها تالت مرة كدة تقولها بالبلدي دا ممكن يثبت الحفظ شوية )


7-مافيش مانع إنك تقوم تتمشي وإنتا جاي تحفظ حاجة ( المشي بيساعد علي الحفظ بردوا )


8- وإنتا بتذاكر كدة ماتنساش تحط سؤال أو سؤالين علي كل فقرة 0 أصل دا بيساعد علي تثبيت الفهم بردوا


9- لو شعرت بالتعب أو الملل من المذاكرة يبقي هِسسسسسسسسسسس يا عم الحاج
( معلش علي كلمة هِس دي أنا بهزر )
أنا قصدي يعني يبقي خلاص بطل مذاكرة وقوم كدة إتوضا وصلي ركعتين وبعدين إرجع للمذاكرة تاني



10- لو هتذاكر كذا مادة يبقي لازم تبدأ بالمواد اللي بتحبها الأول وتسيب الرخم للأخر


11- ما تذاكرش بالليل ( أصل السهر مش حلو علشانك يا كوتوموتوا )
ولو حصل وذاكرت بالليل ( ما تفضلش بقا طول الليل تئربع في شاي وقهوة عشان طاقة حضرتك )
( وعشان ما تبقاش مدمن يا كابتن )
( أنا طبعاً قصدي مدمن شاي وكافيين أصدي قهوة )



12 - وأخر نصيحة ليا هي إنك تصاحب شلة كويسة كدة تيجي تنده عليك عشان الدرس والمدرسة والصلاة
مش عشان السايبر والنت واللعب والكووورة






وأرجوا ان أنا أكون افدتكم
وبردوا لو أي حد عندوا طريقة تانية حلوة للمذاكرة
أو عندوا أي تعليق علي كلامي


_________________
avatar
حسام حبشى
المدير العام
المدير العام

عدد الرسائل : 1802
العمر : 25
الموقع : http://dreams2us.ahlamontada.net
اعلام الدول :
مزاجى :
المهن :
الهوايه :
الاوسمه :
من اين علمت عن المنتدى..؟ :
1 : عن طريق نفسى
دعاء منتدايات دريم :
وسام التفوق والتميز :
السٌّمعَة : 16
نقاطك يا عضو DREAMS2US : 793
تاريخ التسجيل : 21/07/2008

very important رد: أفضل طريقة للمذاكرة

مُساهمة من طرف حسام حبشى في الأربعاء أغسطس 11, 2010 5:43 pm

كلام سليم
ولكن لو تتكرمى رحمه ان اقول طريقتى
بسم الله الرحمن الرحيم
اولا:انا اذاكر من كتب خارجيه
لماذااا؟؟
لانها مهمه وشرحه كتاب المدرسه بطريقه سلسه و منظمه و تعطينا الفائده بدل كا نبحث عنها
ثانيا:بعد ما اذذاكر الدرس من الكتاب الخارجى اروح بقى احل تمارينه فى
الكتاب بعد كده اتنطط على المذكرات و اجعلها مذاكره مراجعه اى تلخيص لما
ذاكرته و طبعا اى مذكره مهما كانت لن تكون ملمه بكل المعلومات

الا طبعا مذكره استاذى الكبير محمد حبكه
بجد الراجل ده مدرس اول لغه عربى
بيقول الصراحه
مذكرتى من كتاب المدرسه انا الى عملته بس هو تنظيم المعلومه على الرغم انه
بيجيب معلومات زياده لكن بجد بتنفع وهو ده بالضبط ما يفعله الكتاب الخارجى


المهم
احل التمارين على الدرس الى ذاكرته كويس
ثالثا: اسال اساتذتى او زملائى عن الاسئله التى لم استتطع الاجابه عنها
رابعا: وهو الاهم و فوق كل هذا الايمان بالله والصدق بانه هو القادر على كل شىء
والله يا جماعه انا حصل معايا حجات كتير رجعت لله و طبعا عاوزين نرجع لربنا فى كل الاوقات
مش وقت الزنقا بس
واعلم ان الله اذا ابتلاك فهو يحبك
خامسا:راجع الدروس اول باول مع حل تمارين للتذكير لو طلب الامر
سادسا اريت يا جماعه نزود عدد الساعات فى المذاكره من بدايه شهر 1 او اقل وده مطلووب
انا شخصيا ممكن اذاكر 17 ساعه يوميا
ايه ما تتخضوش
بجد انت لما تذاكر صح تلاقى نفسك عمال تفكر فى الى انت ماذكرتهوش و تقول ما
عنديش وقت فمن غصب عنك هاتذاكر و هاتلاقى الوقت بيجرى بجد اسال مجرب

انا
سابعا:نبدا نحل امتحانات بدرى شويه على اساس احنا شطبنا مذاكره لانها مهمه مهمه مهمه مهمه مهمه تعبت
ثامنا:ثق بالله و بنفسك و لا تخف من رهبه الامتحان(ترجيع-خايف انام لوحدى_نسيت الى انا ذاكرته_وبقيت هجس....الخ)
يعنى حاجات ملهاش اساس
صدقنى انت بتبقى مذاكر لكن الخوف بياثر
انا بصراحه بااااااااااااااااااااااااااااااااااااااااارد
ايه اوعى تضحكوا اوى انا ما بشتمش نفسى انت فاهمين بقى المعنى على العموم
فيه مثل حلو بتاعى
؟؟؟؟للمتحان قبل ما ؟؟؟؟؟
انا وواحد بس نعرفوه المثل ده
تاسعا: العزيمه الاصرار احنا بشر عندنا عقل براحه كده فى الاجابه على ورقه الاسئله

انا بمسك ورقه الاسئله
السءال الاول اقرا كل جزئيه به و احلها و اراجها فى نفس اللحظه
واعلم فى الورقه على الى حليته انا و الباقى كداااااااااااااااااا

عاشرا:تحمد ربك على كل ما يعطيه لك لانك صدقنى لا تعلم شيئا ان الله يعرف اشياء نحن لا نعرفها فلا تعترض على قدره الله
طيب يا عم انت
مين انا
ايوه انت
انت عمال بتقول كده طيب انت حصلك حاجه زى كده
انا
اوكى
استغفر الله اولا
انا دخلت ثانيه ثانوى و كنت ضاريها طناش (منفض يعنى) ولم اذاكر الا شويه و لم احل امتحانات و لم اراجع
وجبت بالصلى على النبى
صلى عليه
عليه الصلام و السلام

82.6%
ههههههههههههههههههههه دا انت فاشل بشكل
ايوه ممكن تقول كده لكنى تحديت الكل و الكل كان بيقولى يا عم حول ادبى و الى يقولى انت مش نافع
حتى امى بارك الله فيها هى و اخى و رحم ابى فقدت الامل فيا
لكنى اصريت و عزمت و امنت قبل كل ذلك بالله و قدرته
بسم الله الرحمن الرحيم
(انا الله لا يضيع اجر من احسن عملا) صدق الله العظيم

امنت بهذه الايه عن يقين
وقررت اذاكر و انا ما بحبش الاحياء طبعا كل واحد على حسب ميوله و حبه للماده
فقررت اخذ رياضيات 2
الكل عارض و تفاجىء
ازاى واحد زيك جايب فى رياضه 1
39.5
واحد زيك ما يفكر ياخد و لا ينطق اسم رياضيات 2
دى ماده رعب
انا قلتلهم انا عاجبانى
ونويت بينى و بين نفسى انى اقول الى فى نفسى(شرين المغنيه) ههههههه
بجد
طيب
و نويت و ذاكرت و الحمد لله عملت الطرق السابقه بالظبط
وجبت فى ثالثه ثانوى

97.5%
الكل فتح ضبه
ازاى و لكنهم عرفوا الاجابه لوحدهم
و الفضل لله
و دخلت هندسه عين شمس
و سبحانك يا ربى جعلتى اكون فى السنه الفراغ حتى لا تضيع مجهودى
وكما قلت لكم انى امنت بهذه الايه
بسم الله الرحمن الرحيم

(انا الله لا يضيع اجر من احسن عملا) صدق الله العظيم

وتم النصر بحمد الله
ورجعت كرامتى و كرامت امى
طبعا اخوااتى انا حصلى مواقف كتير لكنى اعتقد ان ما قلته يكفى
واسال الله اختى رحمه ان يوفقك و يوفق كل الطلاب و امه الاسلام اجمع
تحياتى العبد لله
حسام حبشى
و السلام عليكم ورحمه الله و بركاته




_________________
كل عام و انت بخير احبائى بقدوم شهرنا المبارك شهر رمضان الكريمDREAMS2US
 

http://dreams2us.ahlamontada.net




صلوا على رسول الله........................عليه افضل الصلاه والسلام
avatar
حسام حبشى
المدير العام
المدير العام

عدد الرسائل : 1802
العمر : 25
الموقع : http://dreams2us.ahlamontada.net
اعلام الدول :
مزاجى :
المهن :
الهوايه :
الاوسمه :
من اين علمت عن المنتدى..؟ :
1 : عن طريق نفسى
دعاء منتدايات دريم :
وسام التفوق والتميز :
السٌّمعَة : 16
نقاطك يا عضو DREAMS2US : 793
تاريخ التسجيل : 21/07/2008

very important رد: أفضل طريقة للمذاكرة

مُساهمة من طرف حسام حبشى في الأربعاء أغسطس 11, 2010 6:06 pm

ملحوظه اختى انا
لا احب التافخر و لا حتى التكبر
و الحمد لله
كل هذا
لانى اريد ان اشرح لكم صوره مما حدث لى
و الله الموفق


_________________
كل عام و انت بخير احبائى بقدوم شهرنا المبارك شهر رمضان الكريمDREAMS2US
 

http://dreams2us.ahlamontada.net




صلوا على رسول الله........................عليه افضل الصلاه والسلام
avatar
RAHMA
عضو لا مثيل له
عضو لا مثيل له

عدد الرسائل : 1929
العمر : 24
الموقع : http://dreams2us.ahlamontada.net
اعلام الدول :
مزاجى :
المهن :
الهوايه :
الاوسمه :
من اين علمت عن المنتدى..؟ :
دعاء منتدايات دريم :
وسام التفوق والتميز :
السٌّمعَة : 10
نقاطك يا عضو DREAMS2US : 1263
تاريخ التسجيل : 04/08/2008

very important رد: أفضل طريقة للمذاكرة

مُساهمة من طرف RAHMA في الخميس أغسطس 12, 2010 2:14 pm

shkraaaa akhy hosam 3la mrork
bs mshkltk anta fe tanya kan lyha hal w hwa ank tzakr fe talta w tzed fe mgmo3k zay kdh ma anta 3mlt tmam
ana b2a moshklty fe tanya w khayfa ttkrr tany fe talta hya en ana a3saby btboz fe alamt7anat w da tb3a bykhleny alkhbt gaaaaaaaaaaamd gdaaaaaa
ana lw 2olt 2'lataty bgd 7atst3'rboo gamd 7ta lw 2olthaaa le talb fe ale3dady bgd 7yd7k 3lya gaaaamd bs ana msh 3yza atwl 3lykm ah 3mala a3ok kteeer w ma2oltsh ana gayba kam ana kont gayba 88 w nos w b3den 3mlt tzalm w alhamd le alah akht drgagten w b2yt 89 w nos w alhamd le alah 3la kl hal


shwkraa mra tanya akhy hosam bgd astmt3t be el araya


_________________
avatar
حسام حبشى
المدير العام
المدير العام

عدد الرسائل : 1802
العمر : 25
الموقع : http://dreams2us.ahlamontada.net
اعلام الدول :
مزاجى :
المهن :
الهوايه :
الاوسمه :
من اين علمت عن المنتدى..؟ :
1 : عن طريق نفسى
دعاء منتدايات دريم :
وسام التفوق والتميز :
السٌّمعَة : 16
نقاطك يا عضو DREAMS2US : 793
تاريخ التسجيل : 21/07/2008

very important رد: أفضل طريقة للمذاكرة

مُساهمة من طرف حسام حبشى في الخميس أغسطس 12, 2010 3:00 pm

شكرا اختى
لكن انا انتظر منك اكتر من ذلك
وانا عارف انك هاتعمليها باذن الله و تكسرى جدااااااااااااار الخوف
الكل لازم ليه لحظه و يتحدى فيها نفسه وانا اعتقد انك كامله الاوصاف لتكون هذا الشخص
اقتحمى الخوف و اكسرى الجدار
ايه الى ها يحصل
بجد ثقى بنفسك
اكرررررررررررررررررر
انا انتظر نتيجتك و انا واثق منك
الى الامام

وباذن الله تدخلى الكليه الى نفسك فيها
...................................
ملحوظه رحمه
العدد بتاع دفعتكم قل الى النصف يعنى
فيه امل كبير
يعنى ذاكرى ذاكرى ذاكرى
عندك فرصه حلوه اغتنميها

سلام اختى


_________________
كل عام و انت بخير احبائى بقدوم شهرنا المبارك شهر رمضان الكريمDREAMS2US
 

http://dreams2us.ahlamontada.net




صلوا على رسول الله........................عليه افضل الصلاه والسلام
avatar
RAHMA
عضو لا مثيل له
عضو لا مثيل له

عدد الرسائل : 1929
العمر : 24
الموقع : http://dreams2us.ahlamontada.net
اعلام الدول :
مزاجى :
المهن :
الهوايه :
الاوسمه :
من اين علمت عن المنتدى..؟ :
دعاء منتدايات دريم :
وسام التفوق والتميز :
السٌّمعَة : 10
نقاطك يا عضو DREAMS2US : 1263
تاريخ التسجيل : 04/08/2008

very important رد: أفضل طريقة للمذاكرة

مُساهمة من طرف RAHMA في الخميس أغسطس 12, 2010 3:17 pm

ان شاء الله حعمل اللى عليا وربنا يستر يمكن ليه حكمه فى كده يمكن لو كنت جبت مجموع فى تانيه كنت نامت ف الخط ونزت ف تالته
شكراااااااا جداااااااا اخى حسام


_________________

    الوقت/التاريخ الآن هو الثلاثاء ديسمبر 12, 2017 9:08 am