فـــــــارس لابـس ابيــض فى ابيـــض ده كان زمان ولا ايه؟؟!!!

زهق الفارس واتخنق واتقصف سيفه

والحصان مات كمان

واللبس الابيض اجرب وبقى لونه كده غريب

فارس مين يا عم

الفارس اللى كانت بتحلم بيه البنات زمان تقولك وهى مبحلقة فى السقف

ومنشكحة قوى بحلم بفارس لابس ابيض فى ابيض

( يعنى لو لابس احمر ما ينفعش )

وعلى حصان ابيض ويجى يخطفنى على الحصان الابيض ويروح بيا مكان بعيد


الصورة ده اتشرحت فى المشرحه بمشرط

وزى ما قلنا الفارس بقى فى البطاطا

لان الحصان من كتر الجرى مات

والهدوم بق لونها فحلوقى


والسيف ( اللى كان هيضرب ييه البنت قصدى الاعداء اتقصف )


هو لسه البنات بتحلم بفارس بنفس الطريقه ولا اتغيرت

والمهم تلاقى واحد يحبها ويخاف عليها

طيب لو البنات كده الشباب بيحلموا باميره الاحلام ازاى

سندريلا بتنزل من السما

رقيقه زى الفراشه كانهما جيه من عالم تانى

هتبقى سندريلا ازاى وهى عايشه ف غابه

اغلب الرقه اللى عندها اتحولت للهجوم كوسيله للدفاع

برده اكيد الفكره دى كمان اتغيرت بقت واحده عقله مش مجنونه وهوائيه

ويبقى الحوار مفتوح

الشاب يحلم بسندريلا

والبنت تحلم بفارس الاحلام
والفارس ليه زهق؟ليه ساب حبه بسهوله؟ ليه ماحاولش مره واتنين ؟ده اكيد ماكانش فارس ولا حاجه ولا كان بيحب )
وانتوا يابنات لسه بتحلموا بالفارس وانتوا ياولاد لسه بيتحلموا بسندريلا

فعلا كلام منطقى

وبكده الجمال مش المهم
المهم طهاره النفس وحسن الاخلاق سواء كان فى الشاب او البنت
ولا ايه
.............................
روعه مواضيعك بجد وانا متابعها وكل مره
بتزودينا باشياء جميله

فارس ايه
وخياله ايه
وكلام فاضى ايه
بجد دا كان زمان دلوقتى البنت بتحلم بواد روش
راكب عربيه احدث ماركه عالميه
عامل مش عارف
ايه يكون معاه ايه
اما الولاد فدول غلابا يا عينى كالعاده
(بلاش عياط بليز)
الولد كل اللى هو عايزه
بنت زى القمر يعيش معاها وتسعده بقيه عمره

بس طبعا دا كلام فاضى المهم فعلا اخى زى ما قولت طهاره النفس والالتزام بالدين وحسن الخلق
شكرا على مرورك